புதுடெல்லி:
பிரதமர் நரேந்திரமோடி அரசு மீது தெலுங்கு தேசம் கட்சி நம்பிக்கை இல்லா தீர்மானம் கொண்டு வந்தது. இதை சபாநாயகர் ஏற்றுக் கொண்டார். இதன் மீதான ஓட்டெடுப்பு பாராளுமன்றத்தில் நாளை நடக்கிறது.
இதன் மூலம் மோடி அரசின் வீழ்ச்சி தொடங்கி விட்டதாக தெலுங்கு தேச கட்சி எம்.பி. கேசினேனி சீனிவாஸ் கூறியுள்ளார். இது தொடர்பாக அவர் கூறியதாவது:-
நான் கொண்டு வந்த நம்பிக்கை இல்லா தீர்மானத்தை சபாநாயகர் ஏற்றுக் கொண்டது ஆந்திர மக்களுக்கு கிடைத்த வெற்றியாகும். இந்த மழைக்கால கூட்டத்தொடர் முழுவதும் நாங்கள் போராட்டத்தில் ஈடுபட தயார் நிலையில் இருந்தோம். இதை அறிந்து சபாநாயகர் நம்பிக்கை இல்லா தீர்மானத்தை ஏற்றுக் கொண்டார்.
பா.ஜனதா மிகுந்த நெருக்கடியில் இருப்பது எங்களால் மட்டுமல்ல நாடு முழுவதும் அந்த கட்சிக்கு நெருக்கடி ஏற்பட்டுள்ளது. நம்பிக்கை இல்லா தீர்மானத்தை நாடே உற்று நோக்குகிறது. நம்பிக்கை இல்லா தீர்மானம் மூலம் மோடி அரசின் வீழ்ச்சி தொடங்கிவிட்டது.
இவ்வாறு அவர் கூறியுள்ளார். #KesineniSrinivas #NoConfidenceMotion #MonsoonSession
